SOGN OG FJORDANE SKOGEIGARLAG BA
Sagbruket måtte innstille all granskur under finanskrisa, og etter det var likviditeten så dårleg at dei ikkje evna å kjøpe nok tømmer til forsvarleg økonomisk drift. Styret i sagbruket har i over eit år arbeidd med å få tilført kapital, utan at dette lukkast i tilstrekkeleg grad.
Skogeigarlaget åtte vel 1/3 av aksjane i sagbruket. I tillegg til aksjekapitalen taper skogeigarlaget eit lite langsiktig lån og om lag ein månads leveranse av tømmer. Samla kjem tapet opp i over 1 mill kr. Sjølv om dette er ein betydeleg sum i høve til eigenkapitalen, vil ikkje tapet rokke ved skogeigarlaget sin eksistens. Det blir heller ingen leverandørar som tapar på tømmerlevering.
Om sagbruket kjem i gang igjen med nye eigarar er det for tidleg å seie noko om. Men skogeigarlaget har pr. i dag god avsetning på all granhogst til andre kjøparar. For furu skurtømmer er marknaden litt meir avgrensa, men her har tilbodet på tømmer også vore lite.